ਬੱਚਿਆਂ ਦੇ ਬੌਧਿਕ ਤੇ ਮਾਨਸਿਕ ਵਿਕਾਸ ਲਈ ਛਪਾਈਆਂ ਜਾ ਰਹੀਆਂ ਹਨ ਬਾਲ ਪੁਸਤਕਾਂ
ਬਠਿੰਡਾ, 22 ਜਨਵਰੀ – ਭਾਸ਼ਾ ਵਿਭਾਗ, ਪੰਜਾਬ ਵਲੋਂ ਬੱਚਿਆਂ ਦੇ ਬੌਧਿਕ ਤੇ ਮਾਨਸਿਕ ਵਿਕਾਸ ਲਈ ਬਾਲ ਸਾਹਿਤ ਸਕੀਮ ਅਧੀਨ ਬੱਚਿਆਂ ਦੇ ਮਿਆਰੀ ਸਾਹਿਤ ਦੀਆਂ ਪੁਸਤਕਾਂ ਤਿਆਰ ਕਰਵਾਈਆਂ ਜਾਈਆਂ ਹਨ ਤਾਂ ਜੋ ਨਵੀਆਂ ਪੁਸਤਕਾਂ ਪੜ੍ਹ ਕੇ ਅਤੇ ਰੰਗਦਾਰ ਤਸਵੀਰਾਂ ਦੇਖ ਕੇ ਬੱਚਿਆਂ ਦਾ ਬੌਧਿਕ ਤੇ ਮਾਨਸਿਕ ਵਿਕਾਸ ਹੋ ਸਕੇ। ਇਹ ਜਾਣਕਾਰੀ ਜ਼ਿਲ੍ਹਾ ਭਾਸ਼ਾ ਅਫ਼ਸਰ ਕਿਰਪਾਲ ਸਿੰਘ ਨੇ ਸਾਂਝੀ ਕੀਤੀ।
ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਭਾਸ਼ਾ ਅਫ਼ਸਰ ਨੇ ਦੱਸਿਆ ਕਿ ਜ਼ਿਲ੍ਹੇ ਨਾਲ ਸਬੰਧਤ ਜਿਹੜੇ ਲੇਖਕ ਬਾਲ ਗਿਆਨ ਸਾਹਿਤ ਨਾਲ ਸਬੰਧਤ ਪੁਸਤਕਾਂ ਲਿਖਦੇ ਹਨ, ਉਹ ਬਾਲ ਗਿਆਨ ਸਾਹਿਤ ਕਹਾਣੀਆਂ ਵਿੱਚ ਰੰਗਦਾਰ ਤਸਵੀਰਾਂ ਛਾਪ ਕੇ ਕਹਾਣੀਆਂ ਲਿਖ ਕੇ ਜ਼ਿਲ੍ਹਾ ਭਾਸ਼ਾ ਦਫ਼ਤਰ, ਬਠਿੰਡਾ ਵਿਖੇ ਭੇਜ ਸਕਦੇ ਹਨ।
ਇਸ ਮੌਕੇ ਹੋਰ ਜਾਣਕਾਰੀ ਦਿਦਿਆਂ ਖੋਜ ਅਫ਼ਸਰ ਸ਼੍ਰੀ ਨਵਪ੍ਰੀਤ ਸਿੰਘ ਨੇ ਦੱਸਿਆ ਕਿ ਬਾਲ ਗਿਆਨ ਸਾਹਿਤ ਪੁਸਤਕਾਂ ਲਿਖਣ ਸਮੇਂ ਪੁਸਤਕ ਦਾ ਆਕਾਰ 30 ਤੋਂ 40 ਪੰਨੇ ਤੱਕ ਹੋਣਾ ਚਾਹੀਦੇ ਹਨ। ਪੁਸਤਕ ਵਿੱਚ ਛਪਣ ਵਾਲੀਆਂ ਤਸਵੀਰਾਂ ਰੰਗਦਾਰ ਹੋਣੀਆਂ ਚਾਹੀਦੀਆਂ ਹਨ। ਪੁਸਤਕ ਦਾ ਸਾਈਜ਼ 23 ਫ਼ੀਸਦੀX33/8 ਹੋਣਾ ਚਾਹੀਦਾ ਹੈ। ਪੁਸਤਕ ਦਾ ਕਾਪੀਰਾਈਟ ਹਮੇਸ਼ਾ ਵਿਭਾਗ ਪਾਸ ਰਹੇਗਾ।
ਖੋਜ ਅਫ਼ਸਰ ਨਵਪ੍ਰੀਤ ਸਿੰਘ ਨੇ ਹੋਰ ਦੱਸਿਆ ਕਿ ਪੁਸਤਕ ਦਾ ਪੱਧਰ 4 ਤੋਂ 8 ਸਾਲ ਦੇ ਬੱਚਿਆਂ ਲਈ 9 ਤੋਂ 15 ਸਾਲ ਤੱਕ ਦੇ ਬੱਚਿਆਂ ਲਈ ਅਤੇ 14 ਤੋਂ 17 ਸਾਲ ਤੱਕ ਦੇ ਬੱਚਿਆਂ ਲਈ ਹੋਵੇਗਾ। ਪੁਸਤਕ ਦਾ ਸੇਵਾ ਫਲ ਵਿਭਾਗੀ ਨਿਯਮਾਂ ਅਨੁਸਾਰ ਦਿੱਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਵਧੇਰੇ ਜਾਣਕਾਰੀ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਚ ਸਥਿਤ ਕਮਰਾ ਨੰਬਰ 227-ਈ, ਪਹਿਲੀ ਮੰਜ਼ਿਲ ਦਫ਼ਤਰ ਦੇ ਨੰਬਰ 98157-41465, 96461-00312 ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
