ਮੈਟ੍ਰਿਕ, 10+2, ਗ੍ਰੈਜੂਏਟ ਤੇ ਉੱਚ-ਪੱਧਰ ਦੇ ਅਹੁਦਿਆਂ ‘ਤੇ ਭਰਤੀ ਲਈ ਸਟਾਫ ਚੋਣ ਕਮਿਸ਼ਨ ਵਲੋਂ ਕਰਵਾਈਆਂ ਜਾਣ ਵਾਲੀਆਂ ਪ੍ਰੀਖਿਆਵਾਂ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਕਮਿਸ਼ਨ ਵੱਲੋਂ ਸੋਮਵਾਰ, 17 ਜਨਵਰੀ 2022 ਨੂੰ ਜਾਰੀ ਨੋਟਿਸ ਦੇ ਮੁਤਾਬਕ 5 ਸੂਬਿਆਂ ਦੀਆਂ ਵਿਧਾਨਸਾਭਾ ਚੋਣਾਂ ਦੇ ਐਲਾਨ ਕਾਰਨ ਸਿਲੈਕਸ਼ਨ ਪੋਸਟ ਭਰਤੀ ਪ੍ਰੀਖਿਆ ਨੂੰ ਮੁਲਤਵੀ ਕਰਨ ਦਾ ਫੈਸਲਾ ਲਿਆ ਗਿਆ ਹੈ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਐਸਐਸਸੀ ਨੇ 10ਵੀਂ, 12ਵੀਂ, ਗ੍ਰੈਜੂਏਟ ਤੇ ਉੱਚ-ਪੱਧਰ ਲਈ ਹੋਣ ਵਾਲੀ ਸਿਲੈਕਸ਼ਨ ਕਮਿਸ਼ਨ ਪੋਸਟ ਫੇਜ਼ 9 ਪ੍ਰੀਖਿਆਵਾਂ 10 ਫਰਵਰੀ 2022 ਨੂੰ ਕਰਵਾਉਣ ਦਾ ਐਲਾਨ ਕੀਤਾ ਸੀ।
ਉੱਤਰ ਪ੍ਰਦੇਸ਼, ਉੱਤਰਾਖੰਡ ਤੇ ਪੰਜਾਬ ‘ਚ ਹੀ ਮੁਲਤਵੀ ਹੋਣਗੀਆਂ ਪ੍ਰੀਖਿਆਵਾਂ
ਹਾਲਾਂਕਿ, ਸਟਾਫ ਸਿਲੈਕਸ਼ਨ ਕਮਿਸ਼ਨ ਨੇ ਆਪਣੇ ਨੋਟਿਸ ‘ਚ ਕਿਹਾ ਹੈ ਕਿ ਐਸਐਸਸੀ ਚੋਣ ਪੋਸਟ ਫੇਜ਼ 9 ਪ੍ਰੀਖਿਆ 2021 ਨੂੰ ਸਿਰਫ਼ ਉਨ੍ਹਾਂ ਉਮੀਦਵਾਰਾਂ ਲਈ ਮੁਲਤਵੀ ਕੀਤਾ ਗਿਆ ਹੈ ਜਿਨ੍ਹਾਂ ਨੂੰ ਵਿਧਾਨ ਸਭਾ ਚੋਣਾਂ ਲਈ ਸੂਬਿਆ ‘ਚ ਪ੍ਰੀਖਿਆ ਕੇਂਦਰ ਅਲਾਟ ਕੀਤੇ ਗਏ ਹਨ। ਕਮਿਸ਼ਨ ਦੇ ਨੋਟਿਸ ਅਨੁਸਾਰ ਸਾਰੇ ਲੈਵਲ ਦੀਆਂ ਫੇਜ਼ 9 ਦੀਆਂ ਪ੍ਰੀਖਿਆਵਾਂ ਸਿਰਫ਼ ਉੱਤਰ ਪ੍ਰਦੇਸ਼, ਉੱਤਰਾਖੰਡ ਅਤੇ ਪੰਜਾਬ ਰਾਜ ਦੇ ਕੇਂਦਰਾਂ ‘ਚ ਹੀ ਮੁਲਤਵੀ ਕੀਤੀਆਂ ਗਈਆਂ ਹਨ। ਇਸ ਦੇ ਨਾਲ ਹੀ SSC ਨੇ ਕਿਹਾ ਹੈ ਕਿ ਇਨ੍ਹਾਂ ਉਮੀਦਵਾਰਾਂ ਲਈ ਪ੍ਰੀਖਿਆ ਦੀਆਂ ਨਵੀਆਂ ਤਰੀਕਾਂ ਦਾ ਐਲਾਨ ਸਮੇਂ ਸਿਰ ਕਰ ਦਿੱਤਾ ਜਾਵੇਗਾ।
ਦੂਜੇ ਸੂਬਿਆ ਵਿਚ, ਪ੍ਰੀਖਿਆ ਤੈਅਸ਼ੁਦਾ ਸਮੇਂ ‘ਚ ਹੀ ਲਈਆਂ ਜਾਣਗੀਆਂ। SSC ਦੇ ਨੋਟਿਸ ਅਨੁਸਾਰ, ਦੂਜੇ ਸੂਬਿਆਂ ‘ਚ ਸਾਰੇ ਪੱਧਰਾਂ ਲਈ ਫੇਜ਼ 9 ਦੀਆਂ ਪ੍ਰੀਖਿਆਵਾਂ 2 ਫਰਵਰੀ ਤੋਂ 10 ਫਰਵਰੀ ਤਕ ਹੋਣਗੀਆਂ।
