ਅਕਸ਼ੈ ਕੁਮਾਰ ਅਤੇ ਰਵੀਨਾ ਟੰਡਨ ਦੀ ਫ਼ਿਲਮ ‘ਮੋਹਰਾ’ ਦਾ ਇੱਕ ਗੀਤ ‘ਟਿਪ ਟਿਪ ਬਰਸਾ ਪਾਣੀ’ ਪਿਛਲੇ 27 ਸਾਲਾਂ ਤੋਂ ਲੋਕਾਂ ਵਿੱਚ ਮਸ਼ਹੂਰ ਹੈ। ਉਥੇ ਹੀ, ਇਸ ਗੀਤ ‘ਤੇ ਅਕਸ਼ੈ ਕੁਮਾਰ ਦੀ ਹੁਣੇ ਆਈ ਫ਼ਿਲਮ ਸੂਰੀਆਵੰਸ਼ੀ ਵਿੱਚ ਮੁੜ ਨਵਾਂ ਕਰਕੇ ਗਾਇਆ ਗਿਆ ਸੀ, ਜਿਸ ਵਿੱਚ ਅਕਸ਼ੈ ਨਾਲ ਕੈਟਰੀਨਾ ਕੈਫ ਨਜ਼ਰ ਆਈ ਸੀ। ਇਸ ਦੁਬਾਰਾ ਬਣਾਏ ਗਏ ਗੀਤ ਨੂੰ ਵੀ ਲੋਕਾਂ ਦਾ ਭਰਵਾਂ ਹੁੰਗਾਰਾ ਮਿਲਿਆ। ਉਥੇ ਇੱਕ ਵਾਰੀ ਮੁੜ ਇਹ ਗੀਤ ਹੁਣ ਚਰਚਾਵਾਂ ਵਿੱਚ ਹੈ।
ਅਸਲ ਵਿੱਚ ਪਾਕਿਸਤਾਨੀ ਟੈਲੀਵਿਜ਼ਨ ਹੋਸਟ ਤੇ ਨੇਤਾ ਆਮਿਰ ਲਿਆਕਤ ਹੁਸੈਨ ਨੇ ਕੈਟਰੀਨਾ ਕੈਫ ਦੇ ਇਸ ਗੀਤ ‘ਤੇ ਘੈਂਟ ਡਾਂਸ ਕੀਤਾ। ਆਮਿਰ ਕਿਸੇ ਪ੍ਰੋਗਰਾਮ ਵਿੱਚ ‘ਟਿਪ ਟਿਪ ਬਰਸਾ ਪਾਣੀ’ ਗੀਤ ‘ਤੇ ਧੜੱਲੇਦਾਰ ਡਾਂਸ ਕਰਦੇ ਵਿਖਾਈ ਦਿੱਤੇ, ਜਿਸ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਦੱਸ ਦੇਈਏ, ਆਮਿਰ ਅਗਸਤ 2018 ਤੋਂ ਪਾਕਿਸਤਾਨ ਦੀ ਨੈਸ਼ਨਲ ਅਸੈਂਬਲੀ ਦੇ ਮੈਂਬਰ ਹਨ। ਇਸ ਲਈ ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਦੇ ਡਾਂਸ ਦੀ ਵੀਡੀਓ ਸ਼ੇਅਰ ਹੁੰਦਿਆਂ ਹੀ ਵਾਇਰਲ ਹੋ ਗਈ ਹੈ।
https://twitter.com/taimoorze/status/1478698738596163587?s=20
