ਫਾਜ਼ਿਲਕਾ 5 ਮਾਰਚ (ਰਿਤਿਸ਼) – ਮਗਸੀਪਾ ਵੱਲੋਂ ਅੱਜ ਇਥੇ ਵੱਖ-ਵੱਖ ਵਿਭਾਗਾਂ ਦੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਲਈ ਸੂਚਨਾ ਦਾ ਅਧਿਕਾਰੀ ਐਕਟ ਸਬੰਧੀ ਇਕ ਸਿਖਲਾਈ ਵਰਕਸਾਪ ਕਰਵਾਈ ਗਈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰੋਜੈਕਟ ਕੋਆਰੀਨੇਟਰ ਮਨਦੀਪ ਸਿੰਘ ਨੇ ਦੱਸਿਆ ਕਿ ਸੂਚਨਾ ਦਾ ਅਧਿਕਾਰ ਹਰੇਕ ਨਾਗਰਿਕ ਨੂੰ ਸੰਵਿਧਾਨ ਵੱਲੋਂ ਮੁਹੱਈਆ ਕਰਵਾਇਆ ਗਿਆ ਹੈ ਇਸ ਲਈ ਦਫਤਰਾਂ ਵਿੱਚ ਆਰ.ਟੀ.ਆਈ ਤਹਿਤ ਆਉਣ ਵਾਲੀ ਅਰਜੀਆਂ ਦਾ ਸਮਾਂ ਬੱਧ ਨਿਪਟਾਰਾ ਕੀਤਾ ਜਾਣਾ ਚਾਹੀਦਾ ਹੈ।
ਐਡਵੋਕੇਟ ਪ੍ਰਤੀਬਾ ਵਰਮਾ ਨੇ ਆਰ.ਟੀ.ਆਈ ਐਕਟ 2005 ਦੇ ਪਿਛੋਕੜ ਅਤੇ ਇਸ ਦੇ ਸੈਕਸਨ 1 ਤੋਂ 3 ਬਾਰੇ ਜਾਣਕਾਰੀ ਦਿੱਤੀ, ਐਡਵੋਕੇਟ ਕਸ਼ਮੀਰ ਲਾਲ ਨੇ ਐਕਟ ਦੇ ਸੈਕਸ਼ਨ 4 ਤੋਂ 11 ਬਾਰੇ ਦੱਸਿਆ। ਦੁਪਹਿਰ ਦੇ ਖਾਣੇ ਤੋਂ ਬਾਅਦ ਐਡਵੋਕੇਟ ਪ੍ਰਤੀਬਾ ਵਰਮਾ ਨੇ ਸੂਚਨਾ ਕਮਿਸ਼ਨ ਦੇ ਕੰਮ ਕਾਜ ਬਾਰੇ ਅਤੇ ਐਡਵੋਕੇਟ ਕਸ਼ਮੀਰ ਲਾਲ ਨੇ ਪੰਜਾਬ ਆਰ.ਟੀ.ਆਈ ਰੂਲ 2007 ਬਾਰੇ ਜਾਣਕਾਰੀ ਦਿੱਤੀ।
ਇਸ ਮੌਕੇ ਪ੍ਰਤੀ ਭਾਗਿਆ ਵੱਲੋਂ ਪੁਛੇ ਸਵਾਲਾਂ ਦਾ ਜਵਾਬ ਵੀ ਵਿਸ਼ਾ ਮਾਹਿਰਾ ਵੱਲੋਂ ਦਿੱਤਾ ਗਿਆ।
