ਫਿਰੋਜ਼ਪੁਰ 3 ਫਰਵਰੀ (ਗੁਰਨਾਮ ਸਿੱਧੂ, ਗੁਰਦਰਸ਼ਨ ਸੰਧੂ) – ਨਗਰ ਕੌਂਸਲ ਜ਼ੀਰਾ ਵਿਖੇ ਆਮ ਆਦਮੀ ਪਾਰਟੀ ਦੇ ਕਿਸੇ ਵੀ ਕੈਂਡੀਡੇਟ ਨੂੰ ਨਾਮਜ਼ਦਗੀ ਪੱਤਰ ਨਹੀਂ ਭਰਨ ਦਿੱਤੇ ਗਏ ਅਤੇ ਜਦੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਨਾਮਜ਼ਦਗੀ ਸੈਂਟਰ ਵਿਖੇ ਪਹੁੰਚੇ ਤਾਂ ਉੱਥੇ ਮੌਜੂਦ ਕਾਂਗਰਸੀਆਂ ਨੇ ਆਮ ਆਦਮੀ ਪਾਰਟੀ ਦੀ ਸਮੁੱਚੀ ਲੀਡਰਸ਼ਿਪ ਅਤੇ ਉਮੀਦਵਾਰਾਂ ਉੱਪਰ ਪਥਰਾਓ ਕਰ ਦਿੱਤਾ ਅਤੇ ਸੈਂਟਰ ਵਿੱਚ ਦਾਖ਼ਲ ਨਹੀਂ ਹੋਣ ਦਿੱਤਾ ਅਤੇ ਧੱਕਾ ਮੁੱਕੀ ਕੀਤੀ ਜਿਸ ਦਾ ਵਿਰੋਧ ਕੀਤਾ ਗਿਆ ਅਤੇ ਸਮੁੱਚੀ ਜ਼ਿਲ੍ਹਾ ਲੀਡਰਸ਼ਿਪ ਅਤੇ ਆਮ ਆਦਮੀ ਪਾਰਟੀ ਦੀ ਜ਼ਿਲ੍ਹਾ ਟੀਮ ਦੇ ਉਮੀਦਵਾਰਾਂ ਵੱਲੋਂ ਡੀ ਸੀ ਦਫਤਰ ਫਿਰੋਜ਼ਪੁਰ ਵਿਖੇ ਧਰਨਾ ਦਿੱਤਾ ਗਿਆ ਅਤੇ ਅਤੇ ਗੁੰਡਾ ਅਨਸਰਾਂ ਖ਼ਿਲਾਫ਼ ਕਾਰਵਾਈ ਕਰਨ ਵਾਸਤੇ ਡੀ ਸੀ ਫਿਰੋਜ਼ਪੁਰ ਨੂੰ ਮੰਗ ਪੱਤਰ ਦਿੱਤਾ ਗਿਆ ਅਤੇ ਇਹ ਵੀ ਮੰਗ ਕੀਤੀ ਗਈ ਕਿ ਆਮ ਆਦਮੀ ਪਾਰਟੀ ਦੇ ਬਾਕੀ ਰਹਿੰਦੇ ਕੈਂਡੀਡੇਟਸ ਦੀਅਾਂ ਚਾਰ ਫਰਵਰੀ ਨੂੰ ਫਾਈਲਾਂ ਜਮ੍ਹਾ ਕਰਵਾਈਆਂ ਜਾਣ । ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਜ਼ਿਲ੍ਹਾ ਪ੍ਰਧਾਨ ਮੈਡਮ ਭੁਪਿੰਦਰ ਕੌਰ , ਨਰੇਸ਼ ਕਟਾਰੀਆ ਸਾਬਕਾ ਐੱਮ ਐੱਲ ਏ , ਸਰਬਜੀਤ ਕੌਰ ਜਿਲ੍ਹਾ ਖਜਾਨਚੀ , ਸੁਖਰਾਜ ਗੋਰਾ , ਰਣਬੀਰ ਸਿੰਘ ਭੁੱਲਰ , ਰਜਨੀਸ਼ ਦਹੀਆ , ਨਵਜੋਤ ਸਿੰਘ ਸਿੱਧੂ , ਸ਼ਮਿੰਦਰ ਖਿੰਡਾ , ਦੀਪਕ ਸ਼ਰਮਾਂ ਗੁਰੂਹਰਸਹਾਏ , ਮੋੜਾ ਸਿੰਘ ਅਨਜਾਣ , ਬਲਰਾਜ ਕਟੋਰਾ ,ਗੁਰਮੀਤ ਸਿੰਘ ਮੱਲ਼ਾਵਾਲਾ, ਜਸਪਾਲ ਸਿੰਘ ਵਿਰਕ ,ਗੋਰਾ ਕੀਮੇਵਾਲੀਆ ,ਹਰਵਿੰਦਰ ਫੇਰੋਕੇ ,ਬਖਸ਼ੀਸ਼ ਸਿੰਘ , ਨਰਿੰਦਰ ਕੋਰ ਜੀਰਾ , ਨਿਰਵੈਰ ਸਿੰਘ ਸਿੰਧੀ ਜਿਲ੍ਹਾ ਮੀਡੀਆ ਇੰਚਾਰਜ ਆਦਿ ਅਤੇ ਸਾਰੇ ਉਮੀਦਵਾਰ ਹਾਜਰ ਸਨ ।