ਬਾਗਬਾਨੀ ਵਿਭਾਗ ਦੀ ਸਲਾਹ ਨਾਲ ਲਗਾਏ ਜਾਣ ਨਵੇਂ ਬਾਗ – ਡਿਪਟੀ ਡਾਇਰੈਕਟਰ ਫਾਜ਼ਿਲਕਾ

ਫਾਜ਼ਿਲਕਾ 3 ਫਰਵਰੀ (ਰਿਤਿਸ਼) – ਡਿਪਟੀ ਡਾਇਰੈਕਟਰ ਬਾਗਬਾਨੀ ਅਬੋਹਰ ਡਾ ਤੇਜਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੇ ਧਿਆਨ ਵਿੱਚ ਆਇਆ ਹੈ ਕਿ ਜ਼ਿਲ੍ਹਾ ਫਾਜ਼ਿਲਕਾ ਵਿਚ ਕੁਝ ਪ੍ਰਾਇਵੇਟ ਕੰਪਨੀਆਂ ਵਾਲੇ ਅਣਅਧਿਕਾਰਿਕ ਤੌਰ ਤੇ ਨਿੰਬੂ ਦੇ ਬਾਗ ਲਗਵਾ ਰਹੇ ਹਨ ਅਤੇ ਵੱਧ ਰੇਟ ਤੇ ਨਿੰਬੂ ਦੇ ਬੂਟੇ ਵੇਚ ਰਹੇ ਹਨ ਅਤੇ ਕਿਸਾਨਾ ਦੇ ਗੈਰਸਿਫਾਰਿਸ ਦੂਰੀ ਤੇ ਨਿੱਬੂ ਦੇ ਬਾਗ ਲਵਾ ਰਹੇ ਹਨ।
ਇਸ ਸਬੰਧੀ ਉਨ੍ਹਾਂ ਨੇ ਕਿਸਾਨਾਂ ਨੂੰ ਸੂਚਿਤ ਕਰਦਿਆਂ ਅਪੀਲ ਕੀਤੀ ਕਿ ਅਜਿਹੀਆਂ ਕੰਪਨੀਆਂ ਤੋਂ ਬਾਗ ਲਗਵਾਉਣ ਤੋਂ ਗੁਰੇਜ਼ ਕੀਤਾ ਜਾਵੇ ਅਤੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਤੋਂ ਸਿਫਾਰਿਸ ਨਿੰਬੂ ਜਾਤੀ ਦੀਆਂ ਕਿਸਮਾਂ ਦੇ ਬੂਟੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਅਤੇ ਬਾਗਬਾਨੀ ਵਿਭਾਗ ਪੰਜਾਬ ਦੀਆਂ ਸਰਕਾਰੀ ਨਰਸੀਆਂ ਜਾਂ ਬਾਗਬਾਨੀ ਵਿਭਾਗ ਨਾਲ ਰਜਿਸਟਰਡ ਪ੍ਰਾਇਵੇਟ ਨਰਸਰੀਆਂ ਤੋਂ ਫਲਦਾਰ ਬੂਟੇ ਲਏ ਜਾਣ।
ਉਨ੍ਹਾਂ ਕਿਹਾ ਕਿ ਬੂਟੇ ਲੈਣ ਉਪਰੰਤ ਵਿਭਾਗ ਦੀ ਸਲਾਹ ਨਾਲ ਨਿੰਬੂ ਜਾਂ ਨਿੰਬੂ ਜਾਤੀ ਦੇ ਬਾਗ ਲਗਾਏ ਜਾਣ ਅਤੇ ਕੌਮੀ ਬਾਗਬਾਨੀ ਮਿਸ਼ਨ ਤਹਿਤ ਨਵਾਂ ਬਾਗ ਲਗਾਉਣ ਤੋਂ ਉਪਲੱਬਧ ਉਪਦਾਨ ਦੀ ਸਹੂਲਤ ਲਈ ਜਾਵੇ।ਉਨ੍ਹਾਂ ਕਿਹਾ ਕਿ ਵਧੇਰੇ ਜਾਣਕਾਰੀ ਲਈ ਬਾਗਬਾਨੀ ਵਿਭਾਗ ਨਾਲ ਸੰਪਰਕ ਕੀਤਾ ਜਾਵੇ।