ਫਿਰੋਜ਼ਪੁਰ 18 ਜਨਵਰੀ (ਗੁਰਨਾਮ ਸਿੱਧੂ, ਗੁਰਦਰਸ਼ਨ ਸੰਧੂ)- ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਪੰਜਾਬ ਵਲੋਂ ਜਿਲੇ ਫਿਰੋਜ਼ਪੁਰ ਦੇ ਸਾਰੇ ਜੋਨਾਂ ਦੇ ਪਿੰਡਾਂ ਵਿਚ ਮਹਿਲਾ ਦਿਵਸ ਤੇ ਮਹਿਲਾਵਾਂ ਵਲੋਂ ਮੋਦੀ ਸਰਕਾਰ ਤੇ ਅੰਬਾਨੀ ਅਡਾਨੀ ਦੇ ਪੁਤਲੇ ਫੂਕ ਕੇ ਮਹਜਾਰਾ ਕਰਦੇ ਹੋਏ ਨਾਹਰੇਬਾਜੀ ਕੀਤੀ ਗਈ । ਮੱਲਾਵਾਲਾ ਜੋਨ ਦੇ ਪ੍ਰੈਸ ਸਕੱਤਰ ਹਰਫੂਲ ਸਿੰਘ ਦਸਿਆ ਕਿ ਵੱਖ ਵੱਖ ਪਿੰਡਾਂ ਚਮਹਿਲਾ ਕਮੇਟੀ ਦੀ ਜੋਨ ਆਗੂ ਚਰਨਜੀਤ ਕੌਰ ਖੱਚਰ ਵਾਲਾ ਤੇ ਸਕੈਟਰੀ ਰਾਜ ਕੋਰ ਬੰਡਾਲਾ ਨੇ ਕਿਹਾ ਕਿ ਮੋਦੀ ਸਰਕਾਰ ਵਵਲੋਂ ਲਿਆਂਦੇ ਖੇਤੀ ਕਾਲੇ ਕਨੂੰਨ ਸਾਰੇ ਵਰਗਾਂ ਵਾਸਤੇ ਘਾਤਕ ਹਨ ਜਿਵੇਂ ਕਿ ਕਿਸਾਨਾ ਤੋ ਮੱਕੀ 9 ਰੁਪਏ ਕਿੱਲੋ ਮੰਡੀਆਂ ਵਿੱਚ ਖਰੀਦੀ ਗਈ ਅਤੇ ਉਹ ਹੀ ਮੁੱਕੀ ਦਾ ਆਟਾ ਅਬਾਨੀ ਦੇ ਮੋਲ ਵਿੱਚ 140 ਰੁਪਏ ਮਾਰਕੇ ਨਾਲ ਵੇਚਿਆ ਜਾ ਰਿਹਾ ਹੈ ਜਿਸ ਵਿਚ ਸੋ ਗੁਣਾਂ ਤੋ ਵਧ ਕਮਾਈ ਕੀਤੀ ਗਈ ਅਤੇ ਕਿਸਾਨਾਂ ਦਾ ਖਰਚਾ ਵੀ ਨਹੀਂ ਪੂਰਾ ਹੁੰਦਾ ਹੈ ਅਤੇ ਖਰੀਦਦਾਰਾਂ ਨੂੰ ਵੀ ਭਾਰੀ ਕੀਮਤ ਚਕਾਉਣੀ ਪੈਂਦੀ ਹੈ ।ਜੇਕਰ ਖੇਤੀ ਕਾਲੇ ਕਨੂੰਨ ਜ਼ਮੀਨੀ ਪੱਧਰ ਤੇ ਲਾਗੂ ਹੁੰਦੇ ਹਨ ਮੱਕੀ ਦੀ ਖਰੀਦ ਅਤੇ ਮੱਕੀ ਦੇ ਆਟਾ ਵੇਚਣ ਵਾਂਗੂ ਹੀ ਸਾਰੀਆ ਫਸਲਾਂ ਲੁੱਟ ਹੋਵੇਗੀ ਤੇ ਸੋ ਗੁਣਾਂ ਵਧ ਮੁਲ ਅਬਾਨੀ ਵਰਗੇ ਵੇਚਣਗੇ ਜਿਸ ਨਾਲ ਸਾਰੇ ਵਰਗ ਪਰਭਾਵਿਤ ਹੋਣਗੇ।
26 ਜਨਵਰੀ ਨੂੰ ਦਿੱਲੀ ਵਿੱਚ ਹੋਣ ਵਾਲੀ ਟਰੈਕਟਰ ਪਰੇਡ ਵਿਚ ਜੋਨ ਮੱਲਾਵਾਲਾ ਤੋਂ ਬੀਬੀਆਂ ਦਾ ਵੱਡਾ ਜੱਥਾ ਦਿੱਲੀ ਪਹੁੰਚੇਗਾ।
ਇਸ ਮੋਕੇ ਕਿਸਾਨ ਮਜ਼ਦੂਰ ਬੀਬੀਆਂ ਜੋਗਿੰਦਰ ਕੋਰ,ਬਲਵਿੰਦਰ ਕੌਰ ਬੰਡਾਲਾ, ਲਖਵਿੰਦਰ ਕੌਰ, ਗੁਰਪ੍ਰੀਤ ਆਲਸ, ਸਿਮਰਜੀਤ ਕੌਰ,ਚਰਨਜੀਤ ਕੌਰ ਕਟੋਰਾ, ਨਵਜੋਤ ਕੌਰ, ਰਜਵੰਤ ਕੋਰ ਅੱਕੂ ਵਾਲਾ, ਹਰਜੀਤ ਕੌਰ, ਪਰਕਾਸ਼ ਕੋਰ ਆਦਿ ਆਗੂ ਬੀਬੀਆਂ ਹਾਜਰ ਸਨ
