Menu

70 ਸਾਲਾਂ ਵਿੱਚ ਪਹਿਲੀ ਔਰਤ ਕੈਦੀ ਨੂੰ ਦਿੱਤੀ ਜਾਣ ਵਾਲੀ ਮੌਤ ਦੀ ਸਜ਼ਾ ‘ਤੇ ਲੱਗੀ ਅਸਥਾਈ ਰੋਕ

ਫਰਿਜ਼ਨੋ (ਕੈਲੀਫੋਰਨੀਆਂ), 13 ਜਨਵਰੀ (ਗੁਰਿੰਦਰਜੀਤ ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ) – ਅਮਰੀਕਾ ਵਿੱਚ ਇੱਕ ਜੱਜ ਨੇ ਕਤਲ “ਚ ਦੋਸ਼ੀ ਇੱਕ ਔਰਤ ਦੀ ਸਜ਼ਾ ਨੂੰ ਫਿਲਹਾਲ ਅਸਥਾਈ ਤੌਰ ਤੇ ਟਾਲ ਦਿੱਤਾ ਹੈ ਜੋ ਕਿ ਦੇਸ਼ “ਚ ਲੱਗਭਗ 70 ਸਾਲਾਂ ਵਿੱਚ ਮੌਤ ਦੀ ਸਜ਼ਾ ਪ੍ਰਾਪਤ ਕਰਨ ਵਾਲੀ ਪਹਿਲੀ ਮਹਿਲਾ ਹੈ। ਇਸ ਮਹਿਲਾ ਨੂੰ ਮੰਗਲਵਾਰ ਸ਼ਾਮ ਨੂੰ ਇੰਡੀਆਨਾ ਦੇ ਟੈਰੇ ਹੌਤੇ ਵਿੱਚ ਜਹਿਰੀਲਾ ਟੀਕਾ ਲਗਾ ਕੇ ਮੌਤ ਦੀ ਸਜ਼ਾ ਦਿੱਤੀ ਜਾਣੀ ਸੀ।ਲੀਜ਼ਾ ਮਾਂਟਗੋਮਰੀ ਨਾਮ ਦੀ ਇਹ ਔਰਤ (52)  ਇੱਕ ਗਰਭਵਤੀ ਔਰਤ ਦੀ ਹੱਤਿਆ ਅਤੇ ਉਸ ਦਾ ਭਰੂਣ ਚੋਰੀ ਕਰਨ ਦੇ ਦੋਸ਼ ਵਿੱਚ 16 ਸਾਲਾਂ ਤੋਂ ਕੈਦ ਵਿੱਚ ਹੈ। ਮੰਗਲਵਾਰ ਨੂੰ ਦਿੱਤੀ ਜਾਣ ਵਾਲੀ ਮੌਤ ਦੀ ਸਜ਼ਾ ਦੇ ਮਾਮਲੇ ਵਿੱਚ ਇੰਡੀਆਨਾ ਦੇ ਦੱਖਣੀ ਜ਼ਿਲ੍ਹੇ ਦੇ ਜੱਜ ਜੇਮਜ਼ ਹੈਨਲੋਨ ਨੇ ਸੋਮਵਾਰ ਦੀ ਰਾਤ ਨੂੰ ਫਿਲਹਾਲ ਇਸ ਔਰਤ ਦੀ ਸਜ਼ਾ ਨੂੰ ਰੋਕ ਦਿੱਤਾ ਹੈ। ਪਰ ਇਹ ਔਰਤ 1953 ਤੋਂ ਬਾਅਦ ਫੈਡਰਲ ਨਿਆਂ ਪ੍ਰਣਾਲੀ ਦੁਆਰਾ ਮੌਤ ਦੀ ਸਜ਼ਾ ਪ੍ਰਾਪਤ ਕਰਨ ਵਾਲੀ ਪਹਿਲੀ ਔਰਤ ਹੋਵੇਗੀ। ਇਸ ਮਹਿਲਾ ਦੁਆਰਾ ਕੀਤੇ ਅਪਰਾਧ ਦੀ ਗੰਭੀਰਤਾ ਤੋਂ ਇਨਕਾਰ ਕੀਤੇ ਬਗੈਰ, ਮਾਂਟਗੋਮਰੀ ਦੇ ਵਕੀਲਾਂ ਨੇ ਪਿਛਲੇ ਦਿਨੀਂ ਰਾਸ਼ਟਰਪਤੀ ਟਰੰਪ ਤੋਂ ਸਜ਼ਾ ਵਿੱਚ ਮੁਆਫੀ ਮੰਗੀ ਸੀ, ਜਿਸ ਵਿੱਚ ਉਹ ਅਸਫਲ ਰਹੇ ਸਨ। ਗਰਮੀਆਂ ਦੇ ਬਾਅਦ , ਟੇਰੇ ਹੌਤੇ ਵਿੱਚ 10 ਅਮਰੀਕੀ ਜਹਿਰੀਲੇ ਟੀਕੇ ਨਾਲ ਮਾਰੇ ਜਾ ਚੁੱਕੇ ਹਨ ਅਤੇ ਮਾਂਟਗੋਮਰੀ ਤੋਂ ਇਲਾਵਾ, ਇਸ ਹਫ਼ਤੇ ਦੋ ਹੋਰ ਆਦਮੀ ਫੈਡਰਲ ਫਾਂਸੀ ਲਈ ਤਹਿ ਕੀਤੇ ਗਏ ਹਨ। ਇਸ ਮਾਮਲੇ ਵਿੱਚ ਮਾਂਟਗੋਮਰੀ ਦੇ ਵਕੀਲਾਂ ਦੀ ਦਲੀਲ ਅਨੁਸਾਰ ਉਹ ਫਾਂਸੀ ਦੇਣ ਲਈ ਮਾਨਸਿਕ ਤੌਰ ‘ਤੇ ਅਯੋਗ ਸੀ, ਅਤੇ  ਜੁਰਮ ਕਰਨ ਤੋਂ ਪਹਿਲਾਂ ਵੀ ਉਸਦੇ ਦਿਮਾਗ ਦੀ ਹਾਲਤ ਸਹੀ ਨਹੀ ਸੀ। ਜੱਜ ਹੈਨਲੋਨ ਨੇ ਆਪਣੇ ਫੈਸਲੇ ਵਿੱਚ ਮਾਂਟਗੋਮਰੀ ਦੀ ਮੌਜੂਦਾ ਮਾਨਸਿਕ ਸਥਿਤੀ ਦੀ ਗੱਲ ਕਰਦਿਆਂ , ਉਸਦੀ ਸਜ਼ਾ ਨੂੰ ਉਸਦੀ ਮਾਨਸਿਕ ਸਿਹਤ ਦੀ ਸਮੀਖਿਆ ਲਈ ਰੋਕ ਦਿੱਤਾ ਹੈ। ਇਸਦੇ ਨਾਲ ਹੀ ਜੱਜ ਹੈਨਲੋਨ ਨੇ ਕਿਹਾ ਕਿ ਅਦਾਲਤ ਮਾਂਟਗੋਮਰੀ ਦੀ ਯੋਗ ਸੁਣਵਾਈ ਲਈ ਸਮਾਂ ਅਤੇ ਮਿਤੀ ਨੂੰ ਤੈਅ ਕਰੇਗੀ। ਜਿਕਰਯੋਗ ਹੈ ਕਿ ਇਸ ਮਹਿਲਾ ਨੂੰ 2004 ਵਿੱਚ ਇੱਕ ਗਰਭਵਤੀ ਔਰਤ ਨੂੰ ਕਤਲ ਕਰਨ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ 2007 ਵਿੱਚ, ਉਸਨੂੰ ਦੋਸ਼ੀ ਪਾਏ  ਜਾਣ ਦੇ ਨਤੀਜੇ ਵਜੋਂ  ਮੌਤ ਦੀ ਸਜ਼ਾ ਸੁਣਾਈ ਗਈ ਸੀ।

Listen Live

Subscription Radio Punjab Today

Our Facebook

Social Counter

  • 18002 posts
  • 0 comments
  • 0 fans

Log In