ਸਰਕਾਰ ਦੇ ਸ਼ਟਡਾਊਨ ਦਾ ਖਤਰਾ ਬਣਿਆ ਖਰਚੇ ਸੰਬੰਧੀ ਬਿੱਲ ਦੀਆਂ ਵੋਟਾਂ ‘ਚ ਅੜਿੱਕਾ

ਫਰਿਜ਼ਨੋ (ਕੈਲੀਫੋਰਨੀਆਂ), 12 ਦਸੰਬਰ (ਗੁਰਿੰਦਰਜੀਤ ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ) – ਕੋਰੋਨਾਂ ਵਾਇਰਸ ਮਹਾਂਮਾਰੀ ਦੌਰਾਨ ਇੱਕ ਵਿਸ਼ਾਲ ਸਰਕਾਰੀ ਫੰਡਿੰਗ ਦੇ ਪੈਕੇਜ ਬਾਰੇ ਖਰਚੇ ਦੇ ਬਿੱਲ ਪਾਸ ਕਰਨ ਸੰਬੰਧੀ ਵੋਟਾਂ ,ਸਰਕਾਰ ਦੇ ਸ਼ਟਡਾਊਨ ਦੇ ਖਤਰੇ ਕਰਕੇ ਅੱਗੇ ਪੈ ਗਈਆਂ ਹਨ ।ਇਸ ਸੰਬੰਧੀ ਸੈਨੇਟ ਦੇ ਨੇਤਾ ਦੋ ਲਾਜ਼ਮੀ ਬਿੱਲਾਂ ਬਾਰੇ ਆਖਰੀ ਮਿੰਟ ਦੇ ਇਤਰਾਜ਼ਾਂ ਨੂੰ ਹੱਲ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ, ਜੋ ਕਿ  ਸਰਕਾਰ ਦੇ ਬੰਦ ਦੇ ਖਤਰੇ ਨੂੰ ਦੂਰ ਕਰ ਸਕਦੇ ਹਨ। ਸਾਊਥ ਡਕੋਟਾ ਸੈਨੇਟ ਦੇ ਬਹੁਗਿਣਤੀ ਨੇਤਾ ਵ੍ਹਿਪ ਜਾਨ ਥਿਨ ਅਨੁਸਾਰ ਸਰਕਾਰ ਦੇ ਸ਼ਟਡਾਊਨ ਨੂੰ ਟਾਲਣ ਲਈ ਛੋਟੀ ਮਿਆਦ ਦੇ ਖਰਚੇ ਦੇ ਬਿੱਲ ਉੱਤੇ ਵੋਟ ਨੂੰ ਸਮੇਟਣ ਅਤੇ ਬਚਾਅ ਨੀਤੀ ਬਿੱਲ ਨੂੰ ਖਤਮ ਕਰਨ ਦੀ ਕੋਸ਼ਿਸ਼ ਵਿੱਚ ਉਨ੍ਹਾਂ ਕੋਲ ਕਈ ਧਾਰਾਂਵਾ ਹਨ। ਜਦਕਿ ਸੈਨੇਟ ਨੇ ਸਰਕਾਰੀ ਸ਼ਟਡਾਊਨ ਤੋਂ ਬਚਣ ਲਈ ਵੋਟਿੰਗ ‘ਤੇ ਕੋਈ ਸਮਝੌਤਾ ਨਾ ਹੋਣ ‘ਤੇ ਵੀਰਵਾਰ ਨੂੰ ਮੁਲਤਵੀ ਕਰ ਦਿੱਤਾ ਹੈ।ਥੋੜ੍ਹੇ ਸਮੇਂ ਦੇ ਖਰਚੇ ਦਾ ਬਿੱਲ ਸਰਕਾਰੀ ਫੰਡਾਂ ਵਿੱਚ ਇਕ ਹਫ਼ਤੇ ਦਾ ਵਾਧਾ ਕਰੇਗਾ ਅਤੇ ਇਸਦਾ ਉਦੇਸ਼ ਕਾਨੂੰਨਸਾਜ਼ਾਂ ਨੂੰ ਨਵੇਂ ਵਿੱਤੀ ਵਰ੍ਹੇ ਲਈ ਕੋਵਿਡ ਰਾਹਤ ਅਤੇ ਵਿਆਪਕ ਫੰਡਿੰਗ ਕਾਨੂੰਨ ਬਾਰੇ ਸਮਝੌਤੇ ‘ਤੇ ਪਹੁੰਚਣ ਲਈ ਹੋਰ ਸਮਾਂ ਦੇਣਾ ਵੀ ਹੈ। ਸਰਕਾਰ ਦੇ ਬੰਦ ਨੂੰ ਟਾਲਣ ਲਈ ਫੰਡਿੰਗ ਬਿੱਲ ਨੂੰ ਸਮੇਂ ਸਿਰ ਪਾਸ ਕਰਨ ਲਈ ਸੰਸਦ ਮੈਂਬਰਾਂ ਦਰਮਿਆਨ ਸਮਝੌਤਾ ਹੋਣਾ ਅਜੇ ਬਾਕੀ ਹੈ, ਪਰ ਫਿਲਹਾਲ ਇਹ ਅਸਪਸ਼ਟ ਹੈ ਕਿ ਇਹ ਰੁਕਾਵਟ ਕਿਸ ਤਰ੍ਹਾਂ ਦੂਰ ਹਵੇਗੀ।