ਪੰਜਾਬ ਅਚੀਵਮੈਂਟ ਸਰਵੇਅ ਨੂੰ ਲੈ ਕੇ ਸਿਖਿਆ ਅਧਿਕਾਰੀ ਵੱਲੋਂ ਏਡਡ ਸਕੂਲ ਮੁਖੀਆਂ ਨਾਲ ਕੀਤੀ ਮੀਟਿੰਗ

ਫ਼ਾਜ਼ਿਲਕਾ, 18 ਅਗਸਤ(ਸੁਰਿੰਦਰਜੀਤ ਸਿੰਘ) – ਸਕੂਲ ਸਿਖਿਆ ਵਿਭਾਗ ਵੱਲੋਂ ਨੈਸ਼ਨਲ ਅਚੀਵਮੈਂਟ ਸਰਵੇਅ ਦੀ ਤਰਜ ’ਤੇ ਸਕੂਲੀ ਵਿਦਿਆਰਥੀਆਂ ਲਈ ਪੰਜਾਬ ਅਚੀਵਮੈਂਟ ਸਰਵੇਅ ਸ਼ੁਰੂ ਕੀਤਾ ਗਿਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਜ਼ਿਲਾ ਸਿਖਿਆ ਅਧਿਕਾਰੀ ਡਾ. ਤਿ੍ਰਲੋਚਨ ਸਿੰਘ ਸਿੱਧੂ ਨੇ ਦੱਸਿਆ ਕਿ ਸਕੂਲ ਸਿਖਿਆ ਵਿਭਾਗ ਵੱਲੋਂ ਵਿਦਿਆਰਥੀਆਂ ਦੀ ਸੋਚਣ ਸ਼ਕਤੀ, ਸਮਝ ਸ਼ਕਤੀ ਅਤੇ ਲਾਗੂ ਕਰਨ ਸ਼ਕਤੀ ਦੇ ਅਧਿਐਨ ਲਈ ਸ਼ੁਰੂ ਕੀਤੇ ਗਏ ਸਰਵੇਅ ਨੂੰ ਸਰਕਾਰੀ ਸਕੂਲਾਂ ਦੇ ਨਾਲ-ਨਾਲ ਏਡਿਡ ਸਕੂਲਾਂ ਦੇ ਵਿਦਿਆਰਥੀਆਂ ਤੱਕ ਵੀ ਇਸ ਸਰਵੇਅ ਨੂੰ ਪੁਜਦਾ ਕਰਨ ਲਈ ਏਡਿਡ ਸਕੂਲ ਮੁਖੀਆਂ ਨਾਲ ਮੀਟਿੰਗ ਕਰਕੇ ਇਸ ਸਰਵੇਅ ਨੂੰ ਲਾਗੂ ਕਰਨ ਸਬੰਧੀ ਹਰ ਪੱਖ ਤੋਂ ਜਾਣੂੰ ਕਰਵਾਇਆ ਗਿਆ।
ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦੇ ਹੋਏ ਡਾ. ਸਿੱਧੂ ਨੇ ਦੱਸਿਆ ਕਿ ਇਸ ਸਬੰਧੀ ਬਕਾਇਦਾ ਅਧਿਆਪਕਾਂ ਨੂੰ ਵੀ ਦੋ ਰੋਜਾ ਆਨਲਾਈਨ ਟੇ੍ਰਨਿੰਗ ਦਿੱਤੀ ਜਾ ਰਹੀ ਹੈ ਜਿਸ ਵਿਚ ਪੰਜਾਬੀ, ਹਿੰਦੀ, ਸੋਸ਼ਲ ਮੀਟਿੰਗ ਸਾਇੰਸ, ਅੰਗ੍ਰੇਜੀ ਅਤੇ ਗਣਿਤ ਵਿਸ਼ੇ ਨੂੰ ਸਾਮਿਲ ਕੀਤਾ ਗਿਆ ਹੈ। ਗੁਗਲ ਫਾਰਮ ਰਾਹੀਂ ਪ੍ਰਸ਼ਨ ਪਤਰ ਤਿਆਰ ਕਰਕੇ ਵਿਦਿਆਰਥੀਆਂ ਦੇ ਮਹੀਨਾਵਾਰ ਟੈਸਟ ਲਏ ਜਾਣਗੇ ਜਿਸ ਦੇ ਅਧਾਰ ’ਤੇ ਅਧਿਆਪਨ ਦੀ ਅਗਲੀ ਵਿਧੀਆਂ ਨੂੰ ਤਿਆਰ ਕਰਨ ਵਿਚ ਮਦਦ ਮਿਲੇਗੀ।
ਇਸ ਸਰਵੇਅ ਲਈ ਗੌਤਮ ਗੌੜ, ਅਸੋਕ ਧਮੀਜਾ ਅਤੇ ਨਰੇਸ਼ ਸਰਮਾ ਅਤੇ ਉਨਾਂ ਦੀ ਸਮੁੱਚੀ ਟੀਮ ਪੰਜਾਬ ਅਚੀਵਮੈਂਟ ਸਰਵੇਅ ਦੀ ਵਿਧੀਵਤ ਰੂਪ ਰੇਖਾ ਉਲੀਕ ਕੇ ਵਿਭਾਗ ਦੀਆਂ ਹਦਾਇਤਾਂ ਅਤੇ ਸ਼ਡਿਊਲ ਅਨੁਸਾਰ ਸਾਰੇ ਅਧਿਆਪਕਾਂ ਨੂੰ ਟੇ੍ਰਨਿੰਗ ਕਰਵਾ ਰਹੇ ਹਨ ਤਾਂ ਕਿ ਹਰ ਵਿਦਿਆਰਥੀ ਨੂੰ ਸਰਵੇਅ ਦਾ ਢੁਕਵਾਂ ਫਾਇਦਾ ਹੋ ਸਕੇ। ਇਸ ਮੌਕੇ ਏਡਿਡ ਸਕੂਲ ਮੁਖੀਆਂ ਤੋਂ ਇਲਾਵਾ ਅਸ਼ੋਕ ਧਮੀਜਾ ਡੀ.ਐਮ ਹਾਜਰ ਸਨ।