ਸ੍ਰੀ ਮੁਕਤਸਰ ਸਾਹਿਬ, 12 ਅਗਸਤ(ਪਰਗਟ ਸਿੰਘ) – ਮਾਨਯੋਗ ਸ੍ਰੀਮਤੀ ਡੀ.ਸੁਡਰਵਿਲੀ ਆਈ.ਪੀ.ਐਸ ਐਸ.ਐਸ.ਪੀ ਸ੍ਰੀ ਮੁਕਤਸਰ ਸਹਿਬ ਜੀ ਦੀਆਂ ਹਦਾਇਤਾ ਤਹਿਤ ਡਿਊਟੀ ਕਰ ਕਰਦੇ ਹੋਏ ਕਰੋਨਾ ਵਾਇਰਸ ਬਿਮਾਰੀ ਦੀ ਲਪੇਟ ਵਿੱਚ ਆਏ ਪੁਲਿਸ ਮੁਲਾਜਮਾਂ ਨੂੰ ਮੈਡੀਕਲ ਕਿੱਟਾ ਮੁਹੱਈਆ ਕਰਵਾਈਆ ਗਈਆ ਤਾਂ ਜੋ ਉਹ ਪੁਲਿਸ ਮੁਲਾਜਮ ਛੇਤੀ ਸਿਹਤਯਾਬ ਹੋ ਕੇ ਆਪਣੇ 
ਪਰਿਵਾਰ ਵਿੱਚ ਅਤੇ ਡਿਊਟੀ ਤੇ ਵਾਪਸ ਆ ਸਕਣ। ਇਹ ਮੈਡੀਕਲ ਦੀਆਂ 100 ਕਿੱਟਾ ਸੇਤੀਆ ਇੰਡਸਟਰੀਜ਼ ਵੱਲੋਂ ਕਰੋਨਾ ਵਾਇਰਸ ਬਿਮਾਰੀ ਦੀ ਲਪੇਟ ਵਿੱਚ ਆਏ ਪੁਲਿਸ ਮੁਲਾਜਮਾ ਵਾਸਤੇ ਮੁਹੱਈਆਂ ਕਰਵਾਈਆ ਗਈਆਂ ਹਨ।ਐਸ.ਐਸ.ਪੀ ਜੀ ਨੇ ਸੇਤੀਆ ਇੰਡਸਟਰੀਜ਼ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਪੁਲਿਸ ਮੁਲਾਜਮ ਆਪਣੇ ਡਿਊਟੀ ਬਹੁਤ ਵਧੀਆ ਤਰੀਕੇ ਨਾਲ ਨਿਭਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਮੈਡੀਕਲ ਕਿੱਟਾ ਦੀ ਵਰਤੋਂ ਨਾਲ ਪੁਲਿਸ ਮੁਲਾਜਮ ਛੇਤੀ ਸਿਹਤਯਾਬ ਹੋ ਜਾਣਗੇ। ਇਸ ਮੌਕੇ ਸ੍ਰੀ ਕੁਲਵੰਤ ਰਾਏ ਐਸ.ਪੀ (ਪੀ.ਬੀ.ਆਈ) ਜੀ ਵੱਲੋਂ ਸਰਕਾਰੀ ਹਸਪਤਾਲ ਸ੍ਰੀ ਮੁਕਤਸਰ ਸਾਹਿਬ ਅਤੇ ਕਰੋਨਾ ਆਇਸੋਲੇਟ ਸੈਂਟਰ ਥਿਹੜੀ ਵਿਖੇ ਕਰੋਨਾ ਪਾਜਟਿਵ ਪੁਲਿਸ ਮੁਲਾਜਮਾ ਨੂੰ ਮੈਡੀਕਲ ਕਿੱਟਾ ਵੰਡੀਆ ਗਈਆ ਇਸ ਮੌਕੇ ਡਾ ਸੁਨੀਲ ਬਾਂਸਲ ਐਸ.ਐਮ.ਓ, ਡਾ ਗਗਨ ਅਤੇ ਡਾ ਪਰਮਿੰਦਰ ਕੌਰ ਹਾਜ਼ਰ ਸਨ।
