ਪਲਾਸਟਿਕ ਦੀ ਵਰਤੋਂ ਨਾ ਕਰਨ ਸਬੰਧੀ ਚਲਾਈ ਵਿਸ਼ੇਸ਼ ਮੁਹਿੰਮ

ਫ਼ਾਜ਼ਿਲਕਾ, 7 ਅਗਸਤ – ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਨਗਰ ਕੋਂਸਲ ਫਾਜਿਲਕਾ ਵੱਲੋ ਪਲਾਸਟਿਕ ਦੀ ਵਰਤੋਂ ਨਾਲ ਵਾਤਾਵਰਣ ਨੂੰ ਹੋਣ ਵਾਲੇ ਨੁਕਸਾਨ ਤੋਂ ਬਚਾਉਣ ਲਈ ਨਗਰ ਕੋਂਸਲ ਵੱਲੋਂ ਲਗਾਤਾਰ ਉਪਰਾਲੇ ਕੀਤੇ ਜਾ ਰਹੇ ਹਨ। ਇਸ ਤਹਿਤ ਡਿਸਪੋਜਲ ਕਰੋਕਰੀ ਦੀ ਵਰਤੋਂ ਘੱਟ ਕਰਨ ਲਈ ਨਗਰ ਕੋਂਸਲ ਵੱਲੋ ਦੁਰਗਿਆਨਾ ਮੰਦਰ ਨਾਲ ਮਿਲ ਕੇ ਬਰਤਣ ਭੰਡਾਰ ਚਲਾਇਆ ਜਾ ਰਿਹਾ ਹੈ। ਜਿਸ ਤਹਿਤ 40 ਦੇ ਕਰੀਬ ਲੋਕ ਇਸ ਬਰਤਣ ਭੰਡਾਰ ਦਾ ਲਾਭ ਲੈ ਚੁੱਕੇ ਹਨ ਅਤੇ 3000 ਬਰਤਣਾਂ ਦੀ ਵਰਤੋਂ (ਜਾਗਰਣ, ਭੰਡਾਰੇਂ ਅਤੇ ਲੰਗਰਾਂ ਆਦਿ) ਕਰਕੇ ਲਗਭਗ 1 ਟਨ ਪੈਦਾ ਹੋਣ ਵਾਲੇ ਪਲਾਸਟਿਕ ਅਤੇ ਹੋਰ ਕਚਰੇ ਦੀ ਮਾਤਰਾ ਨੂੰ ਘੱਟ ਕਰਨ ਵਿੱਚ ਨਗਰ ਕੋਂਸਲ ਦਾ ਸਹਿਯੋਗ ਕੀਤਾ ਹੈ।ਇਹ ਜਾਣਕਾਰੀ ਕਾਰਜ ਸਾਧਕ ਅਫਸਰ ਸ੍ਰੀ ਰਜਨੀਸ਼ ਕੁਮਰ ਨੇ ਦਿੱਤੀ।
ਇਸ ਸਬੰਧੀ ਵਧੇਰੇ ਜਾਣਕਾਰੀ ਦਿੰਦਿਆਂ ਸੈਨੇਟਰੀ ਇੰਸਪੈਕਟਰ ਨਰੇਸ਼ ਖੇੜਾ ਨੇ ਦੱਸਿਆ ਕਿ ਇਸ ਤੋਂ ਇਲਾਵਾ ਪਲਾਸਟਿਕ ਕੈਰੀ ਬੈਗ ਦੀ ਵਰਤੋਂ ਘੱਟ ਕਰਨ ਲਹੀ ਐਨ.ਜੀ.ਓ ਦੇ ਸਹਿਯੋਗ ਨਾਲ ਸ਼ਹਿਰ ਵਿੱਚ 5000 ਦੇ ਕਰੀਬ ਕੱਪੜੇ ਦੇ ਥੈਲੇ ਵੰਡੇ ਗਏ ਹਨ। ਉਨਾਂ ਦੱਸਿਆ ਕਿ ਪਲਾਸਟਿਕ ਦੇ ਕੇਰੀ ਬੈਗਾਂ ਦੀ ਵਰਤੋਂ ਘਟਾਉਣ ਲਈ ਸਖਤੀ ਕਰਦਿਆਂ ਹੁੱਣ ਕੁੱਲ 24 ਚਲਾਨ ਕਰਕੇ 29900 ਰੁਪਏ ਦਾ ਜੁਰਮਾਨਾ ਵਸੂਲ ਕੀਤਾ ਗਿਆ।
ਉਨਾਂ ਕਿਹਾ ਕਿ ਨਗਰ ਕੋਂਸਲ ਵੱਲੋ ਲੋਕਾਂ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਬਜਾਰ ਜਾਣ ਸਮੇਂ ਕੱਪੜੇ ਦੇ ਥੈਲੇ ਨੂੰ ਘਰ ਤੋਂ ਹੀ ਨਾਲ ਲੈ ਕੇ ਜਾਇਆ ਜਾਵੇ ਤਾਂ ਜ਼ੋ ਪਲਾਸਟਿਕ ਕੱਚਰਾ ਘੱਟ ਕਰਕੇ ਵਾਤਾਵਰਣ ਨੂੰ ਸ਼ੂਧ ਬਣਾਇਆ ਜਾ ਸਕੇ।ਰੋਜਾਨਾ ਘਰਾਂ ਵਿੱਚੋ ਨਿਕਲਣ ਵਾਲਾ ਗਿੱਲਾ ਅਤੇ ਸੁੱਕਾ ਕੂੜਾ ਅਲੱਗ ਅਲੱਗ ਸਫਾਈ ਕਰਕੇ ਸੇਵਕ ਨੂੰ ਦਿੱਤਾ ਜਾਵੇ ਅਤੇ ਕੂੜੇ ਕਰਕਟ ਨੂੰ ਖੁੱਲੀਆਂ ਥਾਵਾਂ/ਨਾਲੀਆਂ ਵਿੱਚ ਨਾ ਸੁੱਟਿਆ ਜਾਵੇ ਅਤੇ ਕੂੜੇ ਦੀ ਮਾਤਰਾ ਨੂੰ ਘੱਟ ਕਰਨ ਲਈ ਪੈਕਿੰਗ ਮਟਿਰੀਅਲ ਦੀ ਵਰਤੋਂ ਘੱਟ ਕੀਤੀ ਜਾਵੇ ਅਤੇ ਆਪਣੇ ਘਰਾਂ ਵਿੱਚ ਹੋਮਕੰਮਪੋਸਟਿੰਗ ਯੂਨਿਟ ਲਗਾਉਣ ਲਈ ਨਗਰ ਕੋਂਸਲ ਨਾਲ ਤਾਲ ਮੇਲ ਕੀਤਾ ਜਾਵੇ।