ਚੰਡੀਗੜ੍ਹ ਦੀ ਰਹਿਣ ਵਾਲੀ ਫਲਾਈਟ ਲੈਫ਼ਟੀਨੈਂਟ ਹਿਨਾ ਜੈਸਵਾਲ ਇੰਡੀਅਨ ਏਅਰ ਫੋਰਸ ਵਿਚ ਦੇਸ਼ ਦੀ ਪਹਿਲੀ ਮਹਿਲਾ ਫਲਾਈਟ ਇੰਜੀਨੀਅਰ ਦੇ ਤੌਰ ’ਤੇ ਸ਼ਾਮਿਲ ਕੀਤੀ ਗਈ ਹੈ। ਅੱਗੇ ਬਤੌਰ ਫਲਾਈਟ ਇੰਜੀਨੀਅਰ ਉਹ ਆਪਰੇਸ਼ਨਲ ਹੈਲੀਕਾਪਟਰ ਯੂਨੀਟਸ ਵਿਚ ਸ਼ਾਮਿਲ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਇਥੇ ਦੇ ਯੇਲਾਹੰਕਾ ਸਥਿਤ 112 ਹੈਲੀਕਾਪਟਰ ਏਅਰਫੋਰਸ ਸਟੇਸ਼ਨ ਤੋਂ ਫਲਾਈਟ ਇੰਜੀਨੀਅਰਿੰਗ ਦਾ ਕੋਰਸ ਪੂਰਾ ਕੀਤਾ ਸੀ। ਹਿਨਾ 2014 ਫਲਾਈਟ ਇੰਜੀਨੀਅਰ ਕੋਰਸ ਲਈ ਚੁਣੀ ਗਈ ਸੀ।
ਉਨ੍ਹਾਂ ਨੇ ਪੰਜਾਬ ਯੂਨੀਵਰਸਿਟੀ ਤੋਂ ਇੰਜੀਨੀਅਰਿੰਗ ਦੀ ਬੈਚਲਰ ਡਿਗਰੀ ਹਾਸਲ ਕੀਤੀ ਹੈ। ਉਨ੍ਹਾਂ ਦੇ ਮਾਤਾ-ਪਿਤਾ ਡੀ.ਕੇ. ਜੈਸਵਾਲ ਅਤੇ ਅਨਿਤਾ ਜੈਸਵਾਲ ਨੇ ਦੱਸਿਆ ਕਿ ਬਚਪਨ ਤੋਂ ਹੀ ਹਿਨਾ ਸੈਨਿਕਾਂ ਦੀ ਯੂਨੀਫਾਰਮ ਪਹਿਨਦੀ ਸੀ। ਹੁਣ ਉਸ ਦਾ ਸੁਪਨਾ ਪੂਰਾ ਹੋ ਗਿਆ।