Menu

ਬੱਬੂ ਮਾਨ ਦੀ ਫਿਲਮ “ਬਣਜਾਰਾ” ਨੇ ਮਚਾਇਆ ਤਹਿਲਕਾ

ਗਾਇਕੀ ਦੇ ਉਸਤਾਦ ਬੱਬੂ ਮਾਨ ਦੀ ਦੁਨੀਆਂ ਦੀਵਾਨੀ ਹੈ, ਜਿਸ ਦੀ ਝਲਕ ਦੇਖਣ ਲਈ ਲੋਕ ਤਰਸਦੇ ਹਨ। ਹੁਣ ਤੱਕ ਅਨੇਕਾਂ ਹੀ ਗੀਤ ਬੱਬੂ ਮਾਨ ਦੇ ਦੁਨੀਆਂ ਨੇ ਪਸੰਦ ਕੀਤੇ ਹਨ ਅਤੇ ਉਹਨਾਂ ਦੀਆਂ ਫਿਲਮਾਂ ਨੂੰ ਵੀ ਲੋਕਾਂ ਨੇ ਖੂਬ ਸਰਾਹਿਆ ਹੈ। ਹਾਲ ਹੀ ਵਿੱਚ ਆਈ ਬੱਬੂ ਮਾਨ ਦੀ “ਬਣਜਾਰਾ” ਫਿਲਮ ਨੇ ਦੁਨੀਆਂ ਭਰ ‘ਚ ਤਹਿਲਕਾ ਮਚਾ ਦਿੱਤਾ।ਬੱਬੂ ਮਾਨ ਨੂੰ ਅਕਸਰ ਹੀ ਗਾਇਕੀ ਦੇ ਤਾਂ ਉਸਤਾਦ ਕਿਹਾ ਹੀ ਜਾਂਦਾ ਹੈ ਪਰ ਸਿਨੇਮਾ ਘਰਾਂ ‘ਤੇ 3 ਸਾਲਾਂ ਬਾਅਦ ਵਾਪਸੀ ਕਰ ਕੇ ਦੱਸ ਦਿੱਤਾ ਹੈ ਕਿ ਉਹਨਾਂ ਦਾ ਬਾਕਸ ਆਫਿਸ ਦੀ ਖਿੜਕੀ ‘ਤੇ ਵੀ ਕੋਈ ਮੁਕਾਬਲਾ ਨਹੀਂ ਹੈ।

ਫ਼ਿਲਮ ਦੀ ਸ਼ੁਰੂਆਤ ਕਾਫੀ ਧਮਾਕੇਦਾਰ ਹੋਈ ਹੈ।ਮੀਡੀਆ ਰਿਪੋਰਟਾਂ ਮੁਤਾਬਿਕ ਬਣਾਜਰਾ ਫਿਲਮ ਨੇ ਪਹਿਲੇ ਦਿਨ ਵਰਲਡ ਵਾਈਡ 55 ਲੱਖ ਦੀ ਗ੍ਰੈਂਡ ਓਪਨਿੰਗ ਕੀਤੀ ਹੈ।ਦੱਸ ਦੇਈਏ ਕਿ ਫਿਲਮ 7 ਦਿਸੰਬਰ ਨੂੰ ਸਿਨੇਮਾ ਘਰਾਂ ‘ਤੇ ਰਿਲੀਜ਼ ਹੋਈ ਸੀ, ਅਤੇ ਰਿਪੋਰਟਾਂ ਮੁਤਾਬਕ ਫਿਲਮ ‘ਬਣਾਜਰਾ ਦ ਟਰੱਕ ਡਰਾਈਵਰ’ ਪਹਿਲੇ ਹਫਤੇ ‘ਚ ਭਾਰਤ ‘ਚ 1.60 ਕਰੋੜ ਰੁਪਏ ਕਮਾ ਚੁੱਕੀ ਹੈ। ਜੇਕਰ ਓਵਰਸੀਜ਼ ਦੀ ਗੱਲ ਕਰੀਏ ਤਾਂ ਕੈਨੇਡਾ ‘ਚ 53 ਲੱਖ ਆਸਟ੍ਰੇਲੀਆ ‘ਚ 18 ਲੱਖ , ਅਮਰੀਕਾ 25 ਲੱਖ , ਯੂਕੇ 13 ਲੱਖ ਨਿਊਜ਼ੀਲੈਂਡ 7 ਲੱਖ ਅਤੇ ਬਾਕੀ ‘ਚੋਂ 5 ਲੱਖ ਰੁਪਏ ਕਮਾ ਚੁੱਕੀ ਹੈ।ਇਹ ਕਮਾਈ ਕਿਸੇ ਵੀ ਪੰਜਾਬੀ ਫਿਲਮ ਲਈ ਬਹੁਤ ਵੱਡੀ ਕਾਮਯਾਬੀ ਹੈ। ਬੱਬੂ ਮਾਨ ਦੇ ਕੱਟੜ ਫੈਨਸ ਨੇ ਦਿਖਾ ਦਿੱਤਾ ਹੈ ਕਿ ਬੱਬੂ ਮਾਨ ਜਦੋਂ ਵੀ ਕੁੱਝ ਲੈ ਕੇ ਆਉਣਗੇ ਉਸ ਦੇ ਸਾਹਮਣੇ ਬਲਾਕਬਸਟਰ ਜ਼ਰੂਰ ਲੱਗਣਾ ਹੈ।ਮੀਡੀਆ ਰਿਪੋਰਟਾਂ ਮੁਤਾਬਕ ਫਿਲਮ ਦੀ ਕਮਾਈ ਹਾਲੇ ਹੋਰ ਵੀ ਵੱਡੀਆਂ ਸ਼ਿਖਰਾਂ ਨੂੰ ਛੂਵੇਗੀ। ਹੁਣ ਇੰਤਜ਼ਾਰ ਰਹੇਗਾ ਫਿਲਮ ਹੋਰ ਕਿੰਨੀ ਕੁ ਕਮਾਈ ਕਰ ਪਾਉਂਦੀ ਹੈ।

Listen Live

Subscription Radio Punjab Today

Our Facebook

Social Counter

  • 10058 posts
  • 0 comments
  • 0 fans

Log In